ଅନୁଗୁଳ: ସୁପ୍ରିମକୋର୍ଟଙ୍କ ଶୁଣାଣୀକୁ ବିରୋଧ କରି ଅଖିଳ ଭାରତ ଅନୁସୂଚିତ ଜାତି /ଜନଜାତି ସମନ୍ୱୟ ସମିତି ପକ୍ଷରୁ ୧୨ ଘଣ୍ଟିଆ ଭାରତ ବନ୍ଦ ଡାକରାର ପ୍ରଭାବ ବଅଁରପାଳ ଠାରେ ଦେଖିବାକୁ ମିଳିଥିଲା l ଜିଲ୍ଲା ପରିଷଦ ସଭ୍ୟ ତଥା ଜିଲ୍ଲା ଆମ୍ବେଦକର ଫାଉଣ୍ଡେସନର ଉପାଧ୍ୟକ୍ଷ୍ୟ ଗୋପାଳ ଚନ୍ଦ୍ର ନାଏକଙ୍କ ନେତୃତ୍ୱରେ ଶତାଧିକ ସଦସ୍ୟ ବଅଁରପାଳ ମୁଖ୍ୟ ଛକରେ ସକାଳ ୬ଟାରୁ ରାସ୍ତା ଅବରୋଧ କରି ନ୍ୟାୟ ପାଇଁ ସ୍ଲୋଗାନ ଦେଇଥିଲେ l ଫଳରେ ଛକର ତିନି ପାଖ ରାସ୍ତାରେ ବହୁ ସଂଖ୍ୟକ ଗାଡିମୋଟର ଅଟକି ରହିଥିଲା l ଦୁଇ ଚକିଆ ଯାନ ଗୁଡିକ ଗଳା ବାଟରେ ଯାଉଥିଲେ ସୁଦ୍ଧା ତିନି ଓ ଚାରି ଚକିଆ ଜାନ କୁ ଛାଡି ନଥିଲେ l ନିକଟସ୍ଥ ଟାଡା ମାର୍କେଟ ବନ୍ଦଥିଲା l ଆନ୍ଦୋଳନକାରୀ ମାନେ ଅଭିଯୋଗ କରିଥିଲେ ଯେ ସୁପ୍ରିମକୋର୍ଟଙ୍କ ଶୁଣାଣୀରେ ଥିବା କ୍ରିମି ଲେୟାର ଲାଗୁହେବା ଦ୍ୱାରା ଏସସି ଓ ଏସଟି ଙ୍କୁ ଭାଗଭାଗ କରି ଦୁର୍ବଳ କରିବ ଓ ସମ୍ପୂର୍ଣ ସଂରକ୍ଷଣକୁ ନଷ୍ଟ କରିଦେବ l ତେଣୁ ଭାରତ ସରକାର ତୁରନ୍ତ ଜରୁରୀ ସଂସଦ ଡକାଇ ଏହାର ପ୍ରତ୍ୟାହାର ପାଇଁ ପଦକ୍ଷେପ ନେବାକୁ ଦାବୀ କରିଥିଲେ l ଅନ୍ୟମାନଙ୍କ ମଧ୍ୟରେ ଚିନ୍ମୟ ନାଏକ, ପ୍ରଫୁଲ୍ଲ ନାଏକ, ଟଙ୍କଧର ନାଏକ, ଜିତୁ ନାଏକ, ରିତେଶ ନାଏକ, ବିକାଶ ନାଏକ ଓ ଚୌଧୁରୀ ନାଏକ ଙ୍କ ସମେତ ଶତାଧିକ ସଦସ୍ୟ ଉପସ୍ଥିତ ଥିଲେ l
