ବରଗଡ ଜ଼ିଲ୍ଲା ବରପାଲି ବ୍ଲକ ଅନ୍ତର୍ଗତ ଯାଦବ ସମାଜ ତରଫରୁ ତିନି ଦିନ ବ୍ୟାପି ହେବାକୁ ଥିବା ସାର୍ବଜନୀନ ଜନ୍ମାଷ୍ଟମୀ ଓ ନନ୍ଦୋତ୍ସବ ଆଜି ରବିବାର ଉଦଘାଟିତ ହୋଇଛି। ସ୍ଥାନୀୟ ଗଙ୍ଗାଧର କଲ୍ୟାଣ ମଣ୍ଡପ ଠାରେ ଆୟୋଜିତ ଏହି ଉତ୍ସବରେ ଅଧିବାସ ପୂଜାର୍ଚ୍ଚନା ହୋଇଥିବା ବେଳେ କଲ୍ୟାଣ ମଣ୍ଡପ ରୁ ମହିଳା ମାନଙ୍କ ଏକ ବିରାଟ କଳସ ଶୋଭାଯାତ୍ରା ସହର ପରିକ୍ରମା କରି ସ୍ଥାନୀୟ ଗହିର ବନ୍ଦ ଠାରେ ପୂଜାର୍ଚ୍ଚନା କରିଥିଲେ ଏବଂ ଶୋଭାଯାତ୍ରା ରେ ଦୁଲ୍ ଦୁଲି ବାଜା, ବ୍ୟାଣ୍ଡ ବାଜା ଆଦି ସାମିଲ ଥିଲେ । ସନ୍ଧ୍ୟା ରେ ବିଭିନ୍ନ ସଂଗଠନ ପକ୍ଷରୁ ଭଜନ ପରିବେଷଣ କରାଯାଇଛି ।ଏଥିରେ ପଶ୍ଚିମ ଓଡ଼ିଶା ତଥା ବରପାଲି ର ବହୁ କଳାକାର ଭଜନ ପରିବେଷଣ କରିଥିଲେ।ଏହି ଅବସର ରେ ପ୍ରତ୍ୟହ ଭଜନ, ପ୍ରବଚନ ଆଦି ପରିବେଷଣ କରାଯିବ ବୋଲି କମିଟି ସଦସ୍ୟ ଅକ୍ଷୟ ଭୋଇ ସୂଚନା ଦେଇଛନ୍ତି। ସନ୍ଧ୍ୟା ରେ ଅନୁଷ୍ଠିତ ସାଂସ୍କୃତିକ କାର୍ଯ୍ୟକ୍ରମ ରେ ବରଗଡ ଲୋକସଭା ସାଂସଦ ପ୍ରଦୀପ ପୁରୋହିତ ଯୋଗଦାନ କରିଥିଲେ ଏହି ଅବସରରେ କେତେକ ବିଶେଷ ବ୍ୟକ୍ତି ବିଶେଷଙ୍କୁ ସମ୍ବର୍ଦ୍ଧିତ କରାଯାଇଥିଲା l ଏହି କାର୍ଯ୍ୟକ୍ରମ ରେ ସମାଜ ପକ୍ଷରୁ ଗୋବିନ୍ଦ ଜୁଆଡ଼ି, ଖାଡିଆ ବଗର୍ତ୍ତି, ମନଫୁଲ ଭୋଇ
ପ୍ରମୁଖ ଉପସ୍ଥିତ ଥିଲେ
