ବରଗଡ ଜ଼ିଲ୍ଲା ବରପାଲି ବ୍ଲକ ଯାଦବ ସାଂସ୍କୃତିକ ସମାଜ ପକ୍ଷରୁ ଜନ୍ମାଷ୍ଟମୀ ଓ ନନ୍ଦୋସ୍ତବ ମହାସମାରୋହ ରେ ପାଳିତ ହୋଇଯାଇଛି l ଆଜି ସକାଳେ ବାଳକୃଷ୍ଣ ସମାବେଶ ଅନୁଷ୍ଠିତ ହୋଇଥିବା ବେଳେ ନନ୍ଦରାଜା, ନନ୍ଦରାଣୀ, ବସୁଦେବ, ଦେବକୀ, ରାଧା ଓ କୃଷ୍ଣ ବେଶଧାରୀ କୁନି କୁନି ପିଲାମାନଂକୁ ମିଷ୍ଟାନ୍ନ ବଣ୍ଟନ କରିଥିଲେ l ଭକ୍ତି ସାଗର କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବରେ ବିଜେପୁର ବିଧାୟକ ସନତ ଗଡତିଆ ଯୋଗଦାନ କରି ଭଗବାନ ଶ୍ରୀକୃଷ୍ଣ ଅଧର୍ମ ର ବିନାଶ ଓ ଧର୍ମର ସଂସ୍ଥାପନା ପାଇଁ ଯାଦବ ସମାଜ ବିଷୟରେ ବର୍ଣନା କରିଥିଲେ l ସନ୍ଧ୍ୟା ରେ ଅନୁଷ୍ଠିତ ସାଂସ୍କୃତିକ କାର୍ଯ୍ୟକ୍ରମ ରେ କଣ୍ଟାବାଞ୍ଜି ର ବିଧାୟକ ଲକ୍ଷ୍ମଣ ବାଗ ମୁଖ୍ୟ ଅତିଥି ଭାବରେ ଯୋଗଦାନ କରିଥିବା ବେଳେ ଜୟସିଂ ଭୋଇ ସମ୍ମାନିତ ଅତିଥି ଭାବରେ ଯୋଗଦାନ କରିଥିଲେ l ଏହି ଅବସରରେ ବିଧାୟକ ଲକ୍ଷ୍ମଣ ବାଗ ଙ୍କୁ ଯାଦବ କୁଳଗୌରବ ସମ୍ମାନ ରେ ସମ୍ମାନିତ କରାଯାଇଥିଲା l ପରବର୍ତୀ ଅଧ୍ୟାୟରେ ସମାଜସେବୀ ନରେନ୍ଦ୍ର ହୋତା, କଂଗ୍ରେସ ନେତା କିଶୋର ଦଫାଦାର ଏବଂ ବରଗଡ ମୁନସିପାଲିଟି ଅଧ୍ୟକ୍ଷା କଳ୍ପନା ମାଝୀ ଯୋଗଦାନ କରିଥିଲେ l ମଞ୍ଚ ପରିଚାଳନା ସମାଜ ର ସଭାପତି ରସାନନ୍ଦ ଥପା କରିଥିବାବେଳେ ଗଣେଶ୍ୱର ଭୋଇ ଧନ୍ୟବାଦ ଅର୍ପଣ କରିଥିଲେ l ପରିଶେଷରେ ସ୍ଥାନୀୟ ବିଭିନ୍ନ ସରକାରୀ ଓ ବେସରକାରୀ ଅନୁଷ୍ଠାନ ତରଫରୁ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l
