ଗୋତମରା ଅଙ୍ଗନବାଡି କେନ୍ଦ୍ର, ଉପରୁ ଚିକ୍କଣ ଭିତରୁ ଫମ୍ପା !
ଅନୁଗୁଳ: ବଅଁରପାଳ ବ୍ଲକ ଅନ୍ତର୍ଗତ, ଗୋତମରା ଗ୍ରାମର ଅଙ୍ଗନବାଡି କେନ୍ଦ୍ର ରେ କିଛି ବ୍ୟତିକ୍ରମ ଦେଖିବାକୁ ମିଳିଛି l ଏହି ଅଙ୍ଗନବାଡ଼ୀ କେନ୍ଦ୍ର ଟି ଗୋତମରା ସରକାରୀ ନୋଡାଲ ଉଚ୍ଚ ବିଦ୍ୟାଳୟ ମଧ୍ୟରେ ରହିଛି l ଏହି ଅଙ୍ଗନବାଡ଼ୀ କେନ୍ଦ୍ର (ଘ) ର ପଙ୍ଖା ଟି ଖରାପ ହୋଇଥିବା ବେଳେ ମରାମତି ଅଭାବରୁ ବହୁ ଶିଶୁ ଅସୁବିଧା ଭୋଗ କରୁଛନ୍ତି l ଗ୍ରାମବାସୀଙ୍କର କହିବା ଅନୁସାରେ, ଅଙ୍ଗନବାଡି କେନ୍ଦ୍ରର ପଙ୍ଖା ଖରାପ ହୋଇ ରହିଛି l ପଙ୍ଖା ଟି ଚାଲୁନଥିବାରୁ କୁନି କୁନି ପିଲାମାନେ ଅସହ୍ୟ ଗରମ ଓ ଗୁଳୁଗୁଳି ରେ ହନ୍ତ ସନ୍ତ ହୋଇ ପଡୁଛନ୍ତି l ଗରମ ସହି ପାରୁନଥିବାରୁ ପିଲାମାନେ କେନ୍ଦ୍ରକୁ ଯିବାକୁ ମଙ୍ଗୁ ନାହାନ୍ତି l ଅଭିଭାବକ ମାନଙ୍କ ମଧ୍ୟରେ ଘୋର ଅସନ୍ତୋଷ ସୃଷ୍ଟି ହୋଇଛି l କାହାର ଏ ଦାୟିତ୍ୱ, କିଏ ବୁଝିବ ଏକଥା ? ପ୍ରକାଶ ଥାଉକି ପ୍ରାୟ ତିନି ମାସ ହେଲା ପଙ୍ଖା ଟି ଖରାପ ହୋଇ ରହିଛି l ଯଥା ଶୀଘ୍ର ଖରାପ ପଙ୍ଖାଟିକୁ ମରାମତି କରିବାକୁ ଗ୍ରାମବାସୀ, ଅଭିଭାବକ ଓ ବୁଦ୍ଧିଜିବୀ ମହଲରେ ଦାବି ହେଉଛି l ତେବେ ଆମର ପ୍ରତିନିଧି ଏହି ପଙ୍ଖା ଠିକ୍ କରିବା ପାଇଁ ଗତ ଶୁକ୍ରବାର ବ୍ଲକ ଅଫିସ ଯାଇ CDPOଙ୍କୁ ଅନୁରୋଧ କରିଥିଲେ l ମାତ୍ର ଆଜି ପର୍ଯ୍ୟନ୍ତ ପଙ୍ଖା ଠିକ୍ ହୋଇ ନ ପାରିବା ବହୁତ୍ ଦୁଖଃ ର ବିଷୟ l ଏହି ଗୁଳୁଗୁଳି ରେ ଯଦି ପିଲାଙ୍କର କିଛି ହୋଇଯାଏ, ତେବେ ଏଥିପାଇଁ ଦାୟୀ ରହିବ କିଏ?
