ଅନୁଗୁଳ: ବଅଁରପାଳ ସ୍ଥାନୀୟ ସରସ୍ବତୀ ଶିଶୁ ବିଦ୍ୟାମନ୍ଦିର ପରିସରରେ ଟାଟା ଷ୍ଟିଲ ଆନୁକୁଲ୍ୟରେ ଶିକ୍ଷାନୁଷ୍ଠାନର ୭୫ତମ ବନ ମହୋତ୍ସବ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମ ରେ ଟାଟା ଷ୍ଟିଲ କମ୍ପାନୀର ଲୋକ ସମ୍ପର୍କ ଅଧିକାରୀ ସୁନୀଲ କୁମାର ସାହୁ ଓ ଶିକ୍ଷାନୁଷ୍ଠାନର ସମ୍ପାଦକ ଅଖିଳ କୁମାର ମହାପାତ୍ର ଯୋଗଦାନ କରିଥିଲେ। ବିଦ୍ୟାଳୟ ପକ୍ଷରୁ ପ୍ରଥମେ ପ୍ରଦୀପ ପ୍ରଜ୍ବଳନ ପୂର୍ବକ କାର୍ଯ୍ୟକ୍ରମ ଆରମ୍ଭ ହୋଇଥିଲା ଓ ୫୦ରୁ ଉର୍ଦ୍ଧ ବିଭିନ୍ନ ବୃକ୍ଷର ଚାରା ରୋପଣ କରାଯାଇଥିଲା । ଟାଟା ଷ୍ଟିଲର ଲୋକ ସମ୍ପର୍କ ବିଭାଗ ଅଧିକାରୀଙ୍କ କହିବା ଅନୁଯାୟୀ ଅନୁଗୋଳ ଓ ଢେଙ୍କାନାଳ ଜିଲ୍ଲା ରେ ପ୍ରତ୍ୟେକ ବର୍ଷ ଏହି ଋତୁରେ କମ୍ପାନୀ ପକ୍ଷରୁ ଚାରାରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥାଏ। ଚଳିତ ବର୍ଷ ପ୍ରଧାନମନ୍ତ୍ରୀ ତୃତୀୟ ଥର ପାଇଁ ଶପଥ ଗ୍ରହଣ ପରେ 'ମା ପାଇଁ ଗଛଟିଏ' ବୋଲି ଆହ୍ଵାନ ଦେଇଛନ୍ତି। ଏହି ଆହ୍ଵାନ କ୍ରମେ ଟାଟା ଷ୍ଟିଲ ପକ୍ଷରୁ ବୃକ୍ଷରୋପଣ କୁ ଆହୁରି ଅଧିକ ତ୍ୱରାନ୍ୱିତ କରାଯାଇଛି। ବିଦ୍ୟାଳୟ ସମ୍ପାଦକ ନିଜ ବାର୍ତ୍ତାରେ କହିଥିଲେ କି ଆଗାମୀ ପିଢିଙ୍କ ଭବିଷ୍ୟତକୁ ଦୃଷ୍ଟିରେ ରଖି ସମାଜକୁ ସବୁଜ ସୁନ୍ଦର ରଖିବାକୁ ହେଲେ ପର୍ଯ୍ୟାପ୍ତ ବୃକ୍ଷରୋପଣର ଆବଶ୍ୟକତା ଅଛି l ଏହି କାର୍ଯ୍ୟକ୍ରମରେ ବଅଁରପାଳ ଦୈନିକ ଖବର କାଗଜ ସମାଜର ପ୍ରତିନିଧି ସଞ୍ଜୟ କୁମାର ବିଶୋଇ, ସ୍ରୁଷ୍ଟି ନ୍ୟୁଜର ରୁଦ୍ର ମୋହନ ସାହୁ, ଏ - ୧ ନ୍ୟୁଜର ଲଲାଟେନ୍ଦୁ ନାଏକ, ଜାଗ୍ରତ ଭାରତ ନ୍ୟୁଜର ସୁଶାନ୍ତ କୁମାର ସାମଲ ପ୍ରମୁଖ ନିମନ୍ତ୍ରିତ ଅତିଥି ଭାବେ ଯୋଗଦେଇ ଚାରାରୋପଣରେ ସହଯୋଗ କରିବା ସହ ଛାତ୍ରଛାତ୍ରୀଙ୍କୁ ଉତ୍ସାହିତ କରିଥିଲେ l ବିଦ୍ୟାଳୟର ପ୍ରଧାନ ଆଚାର୍ଯ୍ୟ, ସମସ୍ତ ଗୁରୁଜୀ ଗୁରୁମାଙ୍କ ସହ ଛାତ୍ରଛାତ୍ରୀ ମାନେ ଉପସ୍ଥିତ ରହି ଚାରାରୋପଣ କରିଥିଲେ l
