ରଘୁନାଥପଲ୍ଲୀ ବିଧାୟକ ଦୁର୍ଗା ଚରଣ ତନ୍ତୀ ଡେଙ୍ଗୁ ସଂକ୍ରମିତ ଜୋନ ବୁଲିବା ସହ ଇସ୍ପାତ ଜେନେରାଲ ହସ୍ପିଟାଲରେ ସଂକ୍ରମିତଙ୍କୁ ଭେଟିଲେ
ରଘୁନାଥପଲ୍ଲୀ ବିଧାୟକ ଦୁର୍ଗା ଚରଣ ତନ୍ତୀ ଆଜି ରାଉଲକେଲା ଇସ୍ପାତ ନଗରୀର ସେକ୍ଟର-୧୪ ରେ ଡେଙ୍ଗୁ ଆକ୍ରାନ୍ତ ସଂଖ୍ୟା ଉଦବେଗ ଜନକ ଭାବେ ଏ ଓ ବି ବ୍ଲକରେ ବଢୁ ଥିବା ଖବର ପାଇ ସେହି ଅଞ୍ଚଳକୁ ଯାଇ ଘର ଘର ବୁଲି ଲୋକମାନଙ୍କ ସହ ଡେଙ୍ଗୁ ଉପରେ ସଚେତନତା ଜାଗ୍ରତ କରି ଥିଲେ । ଲୋକ ମାନେ ପାଣି ନିଷ୍କାସନ ପାଇଁ ନାଳ ନଥିବା, ସୁରେଜ ବାରମ୍ବାର ଜାମ ହେବା , ବହୁ କ୍ୱାର୍ଟର ଖାଲି ପଡ଼ି ଥିବା ଯୋଗୁ ପାଣି ଜମି ଡେଙ୍ଗୁ ବୃଦ୍ଧି ପାଉଥିବା ପ୍ରକାଶ କରି ଥିଲେ ଏହା ସହିତ ଆବର୍ଜନା ଟ୍ରଲି ବହୁଦିନ ଧରି ଆସୁନ ଥିବା ଅଭିଯୋଗ କରିଥିଲେ । ଏହା ଉପରେ ସେ ସହର ସେବା ଅଧିକାରୀଙ୍କ ସହିତ ଆଲୋଚନା କରି ଉଚିତ ପଦକ୍ଷେପ ନେବେ ବୋଲି ପ୍ରତିଶୃତି ଦେଇଥିଲେ। ଡେଙ୍ଗୁକୁ ରୋକିବା ଓ ଡେଙ୍ଗୁ ଆକ୍ରାନ୍ତଙ୍କୁ ଚିହ୍ନଟ କରିବା ପାଇଁ ଏ ଏନ୍ ଏମ୍ ଓ ହାଇଟେକ୍ ମେଡ଼ିକାଲ କଲେଜ ଓ ହସପିଟାଲ ର କମୁନିଟୀ ଟିମ ଏହି ଅଞ୍ଚଳ ରେ ଘର ଘର ବୁଲି ବୁଝିବା ସହିତ ଡେଙ୍ଗୁ କୁ କିପରି ରୋକା ଯିବ ତା ଉପରେ ସଚେତନତା ଜାଗ୍ରତ କରୁଥିବା ବେଳେ ବିଧାୟକଙ୍କ ସହିତ ସାକ୍ଷାତ କରି ଆଲୋଚନା କରିଥିଲେ । ସମସ୍ତେ ପରିବେଶ କୁ ସଫା ସୁତୁରା ରଖିବା ସହିତ କୁଳର (cooler)ର ପାଣିକୁ ସର୍ବଦା ପରିବର୍ତ୍ତନ କରିବା ସହିତ ଶରୀରକୁ ସର୍ବଦା ଢାଙ୍କି ରଖିବା, ଶୋଇବା ସମୟରେ ମଶାରୀ ବ୍ୟବହାର କରିବା ଆଦି ପରାମର୍ଶ ଦେଇଥିଲେ । ସରକାର ଏହା ଉପରେ ନଜର ରଖି ଛନ୍ତି ବୋଲି ସେ ପ୍ରକାଶ କରିଥିଲେ । ଏହାପରେ ବିଧାୟକ ଇସ୍ପାତ ଜେନେରାଲ ହସପିଟାଲର ଡେଙ୍ଗୁ ୱାର୍ଡ଼ ବୁଲି ଡେଙ୍ଗୁ ରୋଗୀଙ୍କୁ ଭେଟି ସେମାନଙ୍କ ସ୍ୱାସ୍ଥ୍ୟ ଅବସ୍ଥା ବିଷୟରେ ପଚାରି ବୁଝି ଥିଲେ ଓ ସେମାନଙ୍କ ଆଶୁ ଆରୋଗ୍ୟ କାମନା କରିଥିଲେ। ଏହି ୱାର୍ଡର ଡକ୍ଟରମାନେ ମଧ୍ୟ ସହୋଯୋଗ କରି ଥିଲେ । ଆଜିର ଏହି କାର୍ଯ୍ୟକ୍ରମରେ ଜିଲ୍ଲା ମୁଖପାତ୍ର ଗଙ୍ଗାଧର ଦାଶ, ଜିଲ୍ଲା ସଂପାଦକ ଅଜୟ କଂସାରୀ, ମଣ୍ଡଳ ସଭାପତି ସନ୍ତୋଷ ବିରାଟ, ବରିଷ୍ଠ ନେତା ଆଲୋକ ନାୟକ, ସତ୍ୟପ୍ରିୟ ସାହୁ, ସୁଦାମ ସାହୁ,ଗୌତମ ବାଡ଼ା ,ସୋନୁ କାଂସାରି , ସରୋଜ ପ୍ରଧାନ, ବିନୋଦ ସେଠୀ, ତିକେଶ୍ୱର୍ ତାଣ୍ଡିଆ, କୈଳାଶ ତନ୍ତୀ , ଅନନ୍ତ ନାରାୟଣ ଦାସ, କର୍ମା ମାହାତୋ, ବାବୁଲି ସାହୁ, ଅବିନାଶ ସାମଲ, ବିପିନ ପାତ୍ର, ସୁବାଷ ପ୍ରଧାନ, ଆଦି ବିଧାୟକଙ୍କ ସହିତ ସାଙ୍ଗରେ ଥିଲେ ବୋଲି ଜିଲ୍ଲା ମୁଖପାତ୍ର ଗଙ୍ଗାଧର ଦାଶ ଏକ ପ୍ରେସ ବିବୃତିରେ ଜଣାଇ ଛନ୍ତି।
