ପୂର୍ବତନ ମୁଖ୍ୟମନ୍ତ୍ରୀ ତଥା ରାଜ୍ୟ ସୁପ୍ରିମ ଶ୍ରୀ ନବୀନ ପଟନାୟକଙ୍କ ନିର୍ଦ୍ଧେଶ କ୍ରମେ ଆଜି ନୂଆଗାଁ ବ୍ଲକ ବିଜୁ ଜନତା ଦଳ ତରଫରୁ ବ୍ଲକ ସଭା ପତି ଦିଗାମ୍ବର ଦାସଙ୍କ ନେତୃତ୍ୱରେ ଲୁକୁମବେଡା ପଞ୍ଚାୟତର ଝାରବେଡା ଉଚ୍ଚ ବିଦ୍ୟାଳୟ ଠାରେ ବୃକ୍ଷରୋପଣ କାର୍ଯ୍ୟକ୍ରମ ଆୟୋଜନ କରା ଯାଇଥିଲା l
ଏହି କାର୍ଯ୍ୟକ୍ରମରେ ଜିଲ୍ଲା ସଭାପତି ହାଲୁ ମୁଣ୍ଡାରୀ ମୁଖ୍ୟ ଅତିଥି ରୂପରେ ଯୋଗ ଦେଇଥିଲେ ଏବଂ ବୃକ୍ଷରୋପଣ କରିବା ଦ୍ୱାରା ଦିନକୁ ଦିନ ଯେଉଁଭଳି ଭାବରେ ତାପମାତ୍ରା ବୃଦ୍ଧି ପାଉଛି ତାହା ନିୟତ୍ରଣ ହେବା ସହିତ ମୃତ୍ତିକା କ୍ଷୟ ହେବ ନାହିଁ ବୋଲୀ ଶ୍ରୀ ହାଲୁ ମୁଣ୍ଡାରୀ କହିଲେ l ଆଗକୁ ସମସ୍ତ ପଞ୍ଚାୟତରେ ମଧ୍ୟ ଏହି କାର୍ଯ୍ୟକ୍ରମ ଜାରି ରହିବ ବୋଲୀ କହି ସମସ୍ତଙ୍କୁ ଅତି କମରେ 2 ଟା ଗଛ ଲଗାଇ ପରିବେଶକୁ ସୁରକ୍ଷିତ ରଖିବା ପାଇଁ ବାର୍ତ୍ତା ଦେଲେ l ସମ୍ମାନିତ ଅତିଥି ରୂପରେ ପୂର୍ବତନ ବ୍ଲକ ଅଧ୍ୟକ୍ଷ ମଖଲୁ ଏକ୍କା,ପୂର୍ବତନ ଜିଲ୍ଲା ପରିଷଦ ଅଧ୍ୟକ୍ଷା ଏମ୍ମା ଏକ୍କା,ଛାତ୍ର ସଭାପତି ମହେନ୍ଦ୍ର ବଡ଼ାଇକ ଯୁବ ନେତା ସନ୍ତୋଷ ସିଂ, କୋମଲ ସାହୁ,ହିମାଂଶୁ ତ୍ରିପାଠୀ,ଇନ୍ଦର୍ଜିତ ପ୍ରଧାନ, ପ୍ରଭୁ ସାହୁ, ବିନୋଦ,ଫାଗୁ ଓରାମ, ବିଦ୍ୟାଳୟର ସମସ୍ତ ଶିକ୍ଷକ ଏବଂ ଛାତ୍ର ଛାତ୍ରୀ ପ୍ରମୁଖ ଉପସ୍ଥିତ ଥିଲେ l ପୂର୍ବତନ ବ୍ଲକ ଅଧ୍ୟକ୍ଷ ମଖଲୁ ଏକ୍କା ବୃକ୍ଷରୋପଣ କରିବା ଦ୍ୱାରା ପରିବେଶ ସୁରକ୍ଷିତ ରହିବା ସହିତ ବନ୍ୟ ଜନ୍ତୁ ମଧ୍ୟ ସୁରକ୍ଷିତ ରହିବେ ଏବଂ କଳ କାରଖାନାରୁ ବାହାରୁ ଥିବା ବିଷାକ୍ତ ଅଙ୍ଗାରକାମ୍ଳକୁ ଶୋଷି ନେଇ ବାୟୁମଣ୍ଡଳର ପରିବେଶ ସୁରକ୍ଷିତ ରହିବ ବୋଲୀ କହିଲେ l
