ଅନୁଗୁଳ: ବଅଁରପାଳ ଦିବ୍ୟଦର୍ଶନ ସଂଘର ପ୍ରତିଷ୍ଠାତା ସଦଗୁରୁ ଶ୍ରୀ ଶ୍ରୀ ଅର୍ଜୁନଙ୍କ ୯୨ ତମ ଜୟନ୍ତୀ ଉପଲକ୍ଷେ ଦିବ୍ୟଦର୍ଶନ ସଙ୍ଘ ପକ୍ଷରୁ ସ୍ଥାନୀୟ ଦିବ୍ୟଦର୍ଶନ ଶିଶୁ ମନ୍ଦିରରେ ଏକ ସ୍ବେଛାକୃତ ରକ୍ତଦାନ ଶିବିର ଅନୁଗୋଳ ରକ୍ତଭଣ୍ଡାର ସହଯୋଗରେ ଅନୁଷ୍ଠିତ ହୋଇଥିଲା l ଶିକ୍ଷାନୁଷ୍ଠାନ ପରିଚାଳନା କମିଟିର ସଭାପତି ଉଦୟ କୁମାର ସାହୁ, ସମ୍ପାଦକ ସଞ୍ଜୟ କୁମାର ସାହୁ, ଫେଡେରାଲ ଵ୍ୟାଙ୍କର ଶାଖା ପରିଚାଳକ ସିଦ୍ଧେଶ୍ୱର ଦଳେଇ , ପ୍ରଧାନ ଆଚାର୍ଯ୍ୟା ଅନୁପମା ସାହୁ, ଦିବ୍ୟଦର୍ଶନ ସଂଘର ସଦସ୍ୟ ହେମନ୍ତ କୁମାର ସାହୁ ପ୍ରମୁଖ ଶିବିରରେ ଉପସ୍ଥିତ ରହି ରକ୍ତଦାତାଙ୍କୁ ଉତ୍ସାହିତ କରିଥିଲେ l ଡ଼ଃ ସଂଗ୍ରାମ ପରିଡା ରକ୍ତଦାତାଙ୍କ ସ୍ୱାସ୍ଥ୍ୟ ପରୀକ୍ଷା କରିଥିଲେ l ଅନୁଗୋଳ ରକ୍ତଭଣ୍ଡାରର ବୈଷୟିକ କର୍ମଚାରୀ ଅନୀଲ କୁମାର ବିଶ୍ୱାଳ, ମଞ୍ଜୁଲତା ଶତପଥୀ, ହରିଶ ଚନ୍ଦ୍ର ଜେନା,ରମେଶ ଚନ୍ଦ୍ର ପାତ୍ର, ଅଭିମନ୍ୟୁ ବେହେରା ଓ ସିପୁନ ବେହେରା ପ୍ରମୁଖ ରକ୍ତ ସଂଗ୍ରହରେ ସହଯୋଗ କରିଥିଲେ l ପ୍ରତିକୂଳ ପାଗ ସତ୍ତ୍ୱେ ଶିବିରରୁ ସର୍ବମୋଟ ୪୯ ୟୁନିଟ ରକ୍ତ ସଂଗ୍ରହ କରା ଯାଇଥିଲା l
