କାନ୍ସବାହାଲ L&T କମ୍ପାନୀରେ ଦୁର୍ଘଟଣା
ଆଜି ସକାଳେ କାନ୍ସବାହାଲ ସ୍ଥିତ ଲାର୍ସନ ଆଣ୍ଡ ଟୁର୍ବୋ କମ୍ପାନୀରେ ଏକ ଦୁର୍ଘଟଣା ଘଟି ଜଣେ ଶ୍ରମିକ ଆହତ ହୋଇଛନ୍ତି l ସକାଳେ କାନ୍ସବାହାଲ L&T କମ୍ପାନୀର ଠିକାଦାର ଭାବେ କାର୍ଯ୍ୟରତ ମୁମ୍ବାଇ ର ମୀନା କଣ୍ଟ୍ରାକ୍ଟର @ ପ୍ରଦୀପ ଵାବୁ ଙ୍କ ଅଧୀନରେ କାମ କରୁଥିବା ସନ୍ତୋଷ ଗୋପଙ୍କୁ ବିଦ୍ୟୁତ କରେଣ୍ଟ ଲାଗିବା ଯୋଗୁଁ ସେ ଆହତ ହୋଇଛନ୍ତି l ପ୍ରଥମେ ତାଙ୍କୁ କାନ୍ସବାହାଲ L&T କମ୍ପାନୀର ହେଲଥ ସେଣ୍ଟର ଓ ପରେ ପରେ ତାଙ୍କର ଅବସ୍ଥା ଗୁରୁତର ହେବାରୁ ତାଙ୍କୁ ଜୟପ୍ରକାଶ ହସ୍ପିଟାଲକୁ ସ୍ଥାନାନ୍ତର କରାଯାଇଛି l ଝାରଖଣ୍ଡ ରାଜ୍ୟର ଝରିଆଗଡ ଥାନା ଅନ୍ତର୍ଗତ ନଗଡାଖୁଣ୍ଟି ଗାଁର ବିଶ୍ୱନାଥ ଗୋପ ଙ୍କ ପୁଅ ହେଉଛନ୍ତି ସନ୍ତୋଷ l ସ୍ଥାନୀୟ କାନ୍ସବାହାଲ ଗୁଆଲାପଡ଼ା ରେ ରହି ସେ କାମ କରୁଥିଲେ l ଖବର ଲେଖା ହେବା ପର୍ଯ୍ୟନ୍ତ ସନ୍ତୋଷଙ୍କ ଅବସ୍ଥା ବହୁତ ଗୁରୁତର ଥିବା ସୂଚନା ମିଳିଛି l
