ଅନୁଗୁଳ: ବଅଁରପାଳ ବ୍ଲକ କାର୍ଯ୍ୟାଳୟ ସଭାଘରେ ଜିଲ୍ଲାପାଳଙ୍କ ଜନ ଶୁଣାଣୀ ଶିବିର ଅନୁଷ୍ଠିତ ହୋଇଥିଲା l ଜିଲ୍ଲାପାଳ ଅବଦଲ ଏମ. ଅଖତାର ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଶିବିରରେ ସର୍ବମୋଟ ୧୨୩ ଟି ଅଭିଯୋଗ ପଞ୍ଜିକୃତ ହୋଇଥିଲା l କିଛି ଅଭିଯୋଗ ତୁରନ୍ତ ସମାଧାନ ହୋଇଥିବା ସ୍ଥଳେ ଅନ୍ୟ ଅଭିଯୋଗ ବିଭାଗୀୟ ଅଧିକାରୀଙ୍କ ଉପରେ ନ୍ୟସ୍ତ କରି ସମାଧାନ କରିବାକୁ ନିର୍ଦେଶ ଦେଇଥିଲେ l ଏହି ଅବସରରେ ଦୁଇଜଣ ଭିନ୍ନକ୍ଷମଙ୍କ ଅଭିଯୋଗକୁ ଭିତ୍ତିକରି ୨ଟି ଟ୍ରାଇ ସାଇକେଲ ନିଜେ ପ୍ରଦାନ କରିଥିଲେ l ଅନ୍ୟ ମାନଙ୍କ ମଧ୍ୟରେ ଉପଜିଲ୍ଲାପାଳ ବରଣେଂଦ୍ୟୁ ମହାନ୍ତି, ଆଡିସିନାଲ ଏସପି ଅନୀଲ କୁମାର ବେଉରିଆ, ପିଡି(ପ୍ରୋଜେକ୍ଟ)ହେମନ୍ତ କୁମାର ସିଂହ, ଏଡିଏମ(ରାଜସ୍ୱ)ଶରତ ଚନ୍ଦ୍ର ମହାପାତ୍ର, ଆଇଏଏସ (ଟ୍ରେନିଂ)ତେଜସ୍ୱିନୀ ବେହେରା, ସିଡିଏମଓ ଡ଼ଃ ଶିବାନନ୍ଦ ମହାନ୍ତି ଓ ଏସିଏଫ କୃଷ୍ଣଚନ୍ଦ୍ର ସାହୁ ପ୍ରମୁଖ ଉପସ୍ଥିତ ଥିଲେ l ବଅଁରପାଳ ବ୍ଲକର ସମସ୍ତ କାର୍ଯ୍ୟାଳୟର ଅଧିକାରୀ ମାନେ ଉପସ୍ଥିତ ଥିଲେ l ବିଡ଼ିଓ ଲୋଚନ ଦାସ ଓ ଏବିଡ଼ିଓ ମାଧବ ପାଣିଗ୍ରାହୀ ଶିବିର ପରିଚାଳନା କରିଥିଲେ l
