ବ୍ଲକ PC @ 14% ବନ୍ଦ !
ଗାଁ ଗାଁରେ ପ୍ରତେକ ଦିନ କିଛି ନା କିଛି ଉନ୍ନୟନମୂଳକ କାମ
ଦେଖିବାକୁ ମିଳିଥାଏ l ବଡ଼ ବଡ଼ କାମ ଟେଣ୍ଡର ମାଧ୍ୟମରେ ତ ଛୋଟ ଛୋଟ କାମ ସିଧାସଳଖ ଡିପାର୍ଟମେଣ୍ଟ
ମାଧ୍ୟମରେ l ଅର୍ଥାତ ଠିକାଦାର କରନ୍ତି, ମାତ୍ର ବିଲ ହୁଏ କନିଷ୍ଠ ଯନ୍ତ୍ରୀଙ୍କ ନାଁରେ l ସରକାର
କେହିବି ଥାଆନ୍ତୁ, ଉନ୍ନୟନ କାମ ତା ବାଟରେ ଚାଲିଥାଏ l
ସ୍ଥାନୀୟ ଅଞ୍ଚଳର ବା ବେଳେ ବେଳେ ବାହାରୁ ଆସିଥିବା ଠିକାଦାରମାନେ
ଏହି ଉନ୍ନୟନ କାମକୁ ତ୍ୱରାନ୍ୱିତ କରିଥାନ୍ତି l ମାତ୍ର ଏଥିପାଇଁ ସେମାନଙ୍କୁ କିଛି ସରକାରୀ ଅଧିକାରୀ
ଓ ପଂଚାୟତରାଜ ବ୍ୟବସ୍ଥାର କିଛି ନିର୍ବାଚିତ ପ୍ରତିନିଧି ମାନଙ୍କୁ ମୋଟା ଅଙ୍କରେ ହାତଗୁଞ୍ଜା ଦେବାକୁ
ପଡିଥାଏ l ତା'ପରେ ବିଭିନ୍ନ ସରକାରୀ ଟ୍ୟାକ୍ସ l ବ୍ୟବସ୍ଥିତ ହାତଗୁଞ୍ଜା, ସରକାରୀ ଟ୍ୟାକ୍ସ ଓ ଠିକାଦାରଙ୍କ
ମୁନଫା, ଏ ସବୁ ଗଲାପରେ ଯାହା ବଳେ, ସେହିଥିରେ ହିଁ ଉନ୍ନୟନ ହୋଇଥାଏ ସ୍ଥାନୀୟ ଅଞ୍ଚଳର l ତେଣୁ ପାଠକେ
ଠିକ ବୁଝି ପାରୁଥିବେ ସରକାର ପଠାଉଥିବା ୧00 ଟଙ୍କାର କେତେ ଟଙ୍କା ଗାଁ ଉନ୍ନୟନରେ ଲାଗେ l
ଆଜି ଆମେ ଚର୍ଚ୍ଚା କରିବା ଏହି ତଥାକଥିତ "PC ବ୍ୟବସ୍ଥା"
ଉପରେ l PC ମାନେ ହେଲା "ପରସେଣ୍ଟଜ କମିଶନ" l ଜଣେ ଠିକାଦାର ଗୋଟେ କାମ କଲେ କେଉଁ କେଉଁ
ଅଧିକାରୀ ଓ ନିର୍ବାଚିତ ପ୍ରତିନିଧିଙ୍କର PC ରେ ଭାଗ ଥାଏ, ତାର ଏକ ହିସାବ ଆମେ ଆପଣଙ୍କ ପାଖରେ ରଖୁଛୁ
l ଭାଗ-ମାପରେ ଯଦି ସାମାନ୍ୟ କିଛି ଭୁଲ ଥିବ, ତେବେ ପାଠକେ ଆମକୁ କ୍ଷମା କରିବେ ଏବଂ ଯଦି କୌଣସି
ଅଧିକାରୀ ବା ନିର୍ବାଚିତ ପ୍ରତିନିଧିଙ୍କ ଭାଗରେ ଆମେ କିଛି କମ-ବେଶି ଲେଖିଦେଇଛୁ, ସେଥିପାଇଁ ବି
ଆମେ କ୍ଷମାପ୍ରାର୍ଥୀ l ତେବେ ନିମ୍ନରେ ରହିଲା ସେ ଭାଗ-ମାପ ର ହିସାବ...
|
ଦାୟିତ୍ୱ
|
ବ୍ଲକ
ସ୍ତରରେ
PC
|
ପଞ୍ଚାୟତ
ସ୍ତରରେ
PC
|
|
ଚେୟାରମ୍ୟାନ
|
2
%
|
2
%
|
|
ଭାଇସ-ଚେୟାରମ୍ୟାନ
|
NIL
|
NIL
|
|
ଜିଲ୍ଲା ପରିଷଦ ସଭ୍ୟ
|
NIL
|
NIL
|
|
ସରପଞ୍ଚ
|
NIL
|
2
%
|
|
ସମିତିସଭ୍ୟ
|
NIL
|
NIL
|
|
ୱାର୍ଡ ମେମ୍ବର
|
NIL
|
NIL
|
|
ବିଡ଼ିଓ
|
2
%
|
2
%
|
|
ଏବିଡ଼ିଓ (ବେଳେବେଳେ)
|
1
%
|
1
%
|
|
ସହକାରୀ ଯନ୍ତ୍ରୀ
|
2
%
|
2
%
|
|
କନିଷ୍ଠ ଯନ୍ତ୍ରୀ
|
5
%
|
5
%
|
|
ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ
|
NIL
|
3-5
%
|
|
ବ୍ଲକ ବଡଵାବୁ
|
1
%
|
NIL
|
|
ବ୍ଲକ କ୍ୟାସିଆର
|
1
%
|
NIL
|
|
ବ୍ଲକ କମ୍ପୁଟର ଅପରେଟର
|
0.5
%
|
NIL
|
ଏ ହିସାବ କୌଣସି ସରକାରୀ ନିୟମ ପୁସ୍ତିକାରେ ଲେଖାନାହିଁ, ମାତ୍ର ସାରା ଓଡ଼ିଶାରେ ବର୍ଷ ବର୍ଷ ଧରି ଏହି ନିୟମର ନିର୍ଭୁଲ ପାଳନ ଦେଖିବାକୁ ମିଳିଛି l ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀଙ୍କ ଠାରୁ ଆରମ୍ଭ କରି ବିଭାଗର ପ୍ରମୁଖ ସଚିବ ଓ ମୁଖ୍ୟ ଶାସନ ସଚିବଙ୍କ ପର୍ଯ୍ୟନ୍ତ ସମସ୍ତେ ଜାଣନ୍ତି l ତଥାପି ସମସ୍ତେ ଚୁପ l ଏହି PC କାରବାର ଆଉ ଚୋରୀରେ ଗଣାଯାଏ ନାହିଁ ବରଂ ଏକ ଅଲିଖିତ ସରକାରୀ ବ୍ୟବସ୍ଥା l ଏକ ପ୍ରାକ୍ଟିସ....
ତଥାପି ବର୍ଷକୁ ଥରେ ଅଧେ ବଡ ଉତ୍ସାହର ସହିତ ବ୍ଲକରେ ସେହି ଅଧିକାରୀ ଓ ନିର୍ବାଚିତ ପ୍ରତିନିଧିଙ୍କ ଛତ୍ରଛାୟାରେ ପାଳନ ହୁଏ "ଭିଜିଲାନ୍ସ ସପ୍ତାହ" l ବାଃ ରେ ବାଃ ବ୍ୟବସ୍ଥା !
ଆଶାକରୁ ନୂଆ ସରକାର, "ପରିବର୍ତ୍ତନର ସରକାର", ସରକାରଙ୍କ ଏହି ଅଲିଖିତ ବିଧାନକୁ ପରିବର୍ତ୍ତନ କରି ଏକ ନୂଆ ଅଧ୍ୟାୟ ଲେଖିବେ l
