ଅନୁଗୁଳ: ସାମ୍ବାଦିକ ଦିବସ ଅବସରରେ ବଅଁରପାଳ ପଞ୍ଚ ଶ୍ରୀକ୍ଷେତ୍ର ଜଗନ୍ନାଥ ଧାମ ପରିସରରେ ବଅଁରପାଳ ବ୍ଲକ ସାମ୍ବାଦିକ ସଂଘର ଏକ ବୈଠକ ବରିଷ୍ଠ ସାମ୍ବାଦିକ ଅଖିଳ କୁମାର ମହାପାତ୍ରଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା l ପ୍ରଥମେ ସଂଘର ପୂର୍ବତନ ସଭାପତି ସ୍ବର୍ଗତ ରାଜେଶ କୁମାର ନାୟକଙ୍କ ଅକାଳ ବିୟୋଗରେ ତାଙ୍କର ଅମର ଆତ୍ମାର ସଦଗତି ନିମନ୍ତେ ସମୂହ ଦୀପଦାନ ସହ ନୀରବ ପ୍ରାର୍ଥନା କରା ଯାଇଥିଲା l ସର୍ବ ସମ୍ମତ୍ତିକ୍ରମେ ପୂର୍ବରୁ ଥିବା କମିଟିକୁ ଭାଙ୍ଗି ନୂତନ କମିଟି ଗଠନ କରା ଯାଇଥିଲା l ସଂଘର ସଭାପତି ଭାବେ ଅଖିଳ କୁମାର ମହାପାତ୍ର, ସମ୍ପାଦକ ଶଶାଙ୍କ ଶେଖର ସାମଲ, କାର୍ଯ୍ୟକାରୀ ସଭାପତି ସଞ୍ଜୟ କୁମାର ବିଶୋଇ, ଉପ ସଭାପତି ରୁଦ୍ର ମୋହନ ସାହୁ, ସହ ସମ୍ପାଦକ ତ୍ରିଲୋଚନ ନାଏକ, କ୍ଷୀରୋଦ ବେହେରା, କୋଷାଧ୍ୟକ୍ଷ ପ୍ରିୟବ୍ରତ ସାମଲ, ସଂଯୋଜକ ସଞ୍ଜୀବ ପାଇକ ଓ ଆଇନ ପରାମର୍ଶଦାତା ଭାବେ ଆଇନଜୀବୀ ହେମନ୍ତ କୁମାର ସାହୁଙ୍କୁ ମନୋନୀତ କରା ଯାଇଥିଲା l ଏହି ଅବସରରେ ନୂତନ ସଭାପତି ଶ୍ରୀ ମହାପାତ୍ର ପୂର୍ବରୁ ଚାଲିଥିବା ସଂଘର ସମସ୍ତ କାର୍ଯ୍ୟକଳାପକୁ ଜାରି ରଖିବା, ସଂଘର ପଞ୍ଜିକରଣ ଓ ଏକ କାର୍ଯ୍ୟାଳୟ ନିର୍ମାଣ ପ୍ରସ୍ତାବକୁ ଆଗେଇ ନେବାପାଇଁ ସମସ୍ତଙ୍କ ସାହାଯ୍ୟ ଓ ସହଯୋଗ କାମନା କରିଥିଲେ l ଅନ୍ୟ ମାନଙ୍କ ମଧ୍ୟରେ ସୁଶାନ୍ତ କୁମାର ସାମଲ, ତାପସ କୁମାର ଜେନା, ଚୈତନ୍ୟ ସାହୁ, ସୁଧାକର ସାହୁ, ସରୋଜ କାନ୍ତ ଜେନା ,ସୁବ୍ରତ ସାମଲ, ଲଲାଟେନ୍ଦୁ ନାଏକ ଓ ବିଭାସ କୁମାର ସାମଲ ପ୍ରମୁଖ ସଦସ୍ୟ ମାନେ ଉପସ୍ଥିତ ଥିଲେ l
