By Reporter's Club Aug, 16 2024, 04:08:08
ODISHA, ANGUL, RUDRA MOHAN SAHU, ID NO-55017
ବଅଁରପାଳ ଥାନାରେ ଆନନ୍ଦ ଉଲ୍ଲାସ ମଧ୍ୟରେ ସ୍ୱାଧୀନତା ଦିବସ ପାଳନ
ଅନୁଗୁଳ : ବଅଁରପାଳ ବ୍ଲକ ଅନ୍ତର୍ଗତ ବଅଁରପାଳ ଥାନାରେ ଚଳିତ ବର୍ଷ ୭୮ ' ତମ ସ୍ୱାଧୀନତା ଦିବସ ହର୍ଷ ଉଲ୍ଲାସ ମଧ୍ୟରେ ପାଳିତ ହୋଇଯାଇଛି l ଥାନା ଭାରପ୍ରାପ୍ତ ଅଧିକାରୀ ଦୁଷ୍ମନ୍ତ କୁମାର ସିଂଙ୍କ ତତ୍ୱାବଧାନରେ ଥାନାର ସମସ୍ତ ସହକର୍ମୀ ଉପସ୍ଥିତ ରହି ଭାରତର ସ୍ୱାଧୀନତା ଦିବସକୁ ବଡ଼ ଧୂମଧାମ ରେ ପାଳନ କରିଥିଲେ l ଶ୍ରୀଯୁକ୍ତ ସିଂ ଜାତୀୟ ପତାକା ଉତ୍ତୋଳନ କରିଥିଲେ l ଉପସ୍ଥିତ ସମସ୍ତେ ଜାତୀୟ ସଂଗୀତ ଗାନ କରିଥିଲେ l ନିଜ ଅଭିଭାଷଣରେ ଶ୍ରୀଯୁକ୍ତ ସିଂ ଭାରତ ମାତାର ସୁଯୋଗ୍ୟ ସନ୍ତାନ ଯେଉଁ ମାନେ ସର୍ବସ୍ୱ ବଳିଦାନ ଦେଇ ଆମମାନଙ୍କୁ ଏହି ସ୍ୱାଧୀନତା ଆଣିଦେଇଥିଲେ ସେମାନଙ୍କର ସ୍ମୃତିଚାରଣ କରିଥିଲେ l ମହାତ୍ମା ଗାନ୍ଧୀ ଓ ଅହିଂସା ଆନ୍ଦୋଳନ କିପରି ଇଂରେଜ ମାନଙ୍କୁ ଭାରତ ଛାଡିବାକୁ ବାଧ୍ୟ କରିଥିଲା ତାଉପରେ ଆଲୋକପାତ କରିଥିଲେ l ସ୍ୱାଧୀନତା ସଂଗ୍ରାମୀ ମାନଙ୍କର ବଳିଦାନକୁ ସମ୍ମାନ ଜଣାଇ ଆମ ମାତୃଭୂମି ଭାରତ ବର୍ଷକୁ କିପରି ସଫଳତାର ଶୀର୍ଷ ରେ ପହଞ୍ଚାଇ ପାରିବା ସେଥିପାଇଁ ଜାତି, ଧର୍ମ ଓ ବର୍ଣରୁ ଊର୍ଧ୍ୱରେ ରହି ସମସ୍ତେ କର୍ତ୍ତବ୍ୟ କରିବା ଉଚିତ ବୋଲି ମତ ରଖିଥିଲେ l ସର୍ବଶେଷରେ ଉପସ୍ଥିତ ସମସ୍ତଙ୍କୁ ମିଷ୍ଟାନ୍ନ ବଣ୍ଟନ କରାଯାଇ ଥିଲା l
